樂古Nakuz

標題: 小弟第一篇精華作之回憶一個巨商故事 [打印本頁]

作者: 滿天星 時間: 22-8-2009 15:48
標題: 小弟第一篇精華作之回憶一個巨商故事
本帖最後由滿天星於 5-8-2011 17:13 編輯

內容簡介：
巨商經過超過六年,我在巨商的日子也有5年的日子,當我初初玩的時候,連打鹿也會感到害怕,後來請了傭兵幫手後,我才能經歷百戰,去升lv。係我e5年既時間,當然唔會係5年完全升lv咁簡單,我既回億重有好長,它永遠都會留在我的心裹。期,中,我係巨商既生活大份部主要都係商團,冇乜點去過升lv.,所以我既攻擊力永遠冇超過過30萬。而係我商團既回億當中有十多個人我就算離開巨商也會用心去記住,這十幾個人帶給我在巨商既美好回億同埋傷痛既經歷,可以話係超類似真人既生活,而我自己就覺得我係巨商既經歷已經可以算係比平常人較為豐富。係我巨商生活中,我經歷到人性既險惡,善良既待遇,可以話有從高潮直接趺落深淵,但就算我趺左落深淵,亦都有人將我從絕望既深淵度拉返出黎。而我可以搵到一班志同道合既朋友,可能你會覺得,入一入團,傾下計,就可以搵到,但對於我黎講,志同道合既朋友,唔係所謂既酒肉朋友,而係可以傾心事,有咩都會幫手既朋友。而我亦都發現,我要搵既朋友,已經出現左。而在巨商中,和平常生活一樣,當然小不過談戀愛的生活。可惜我係巨商既談戀愛經歷不多,只有短短既一年,但都足以令我將巨商既生活增加左唔小色彩。而我最有回億的地方就係大觀領,因為有好多既第一次,都係果度發生在……。
目錄：（一）從雲霄中墜入深淵　　　　　
（二）首次有職位的感覺　　　　
（三)在心中狠狠地插了一刀　　　　　
（四）一起走過的日子　　　　　
（五）重返巨商的待遇　　　　　
（六）老朋友的離開　　　
（七）色字頭上一把刀
（八）不擇手段

（九）塞翁失馬

作者: 滿天星 時間: 22-8-2009 15:58
本帖最後由滿天星於 22-8-2009 16:12 編輯

（一）從雲霄中墜入深淵一
　　當我玩左大約1個星期,有一日在大觀領撞到一個團既大房(由於係5年前既事我搞盡腦汁都醒唔起個團叫咩名)我當時做緊雜肉既任務,當我打得好辛苦之時,佢忽然問我係唔係需要雜肉,佢竟然話佢自己無聊,幫我手一齊打。我聽完之後覺得佢好偉大,好好人,但又覺得佢真係好無聊。當我同佢打夠足夠數量雜肉既時候。我問左佢一句,我可唔可以加入你既商團?佢諗都冇諗過就答我:「冇問題牙,入黎一齊吹水啦。」當我入左去佢個團之後,就發現入面既人大部份都好有善,而只有小數部份既人係比較cool同埋比較唔有善。當我入左團大約半年,我同大房,大行首既關係係團入面比其他人更加熟絡,從而知道佢地原來真人係識,重要係年齡大約20幾的成年人,係我當時只係一個小六既學生,佢地就當我係小朋友咁照顧,我到而家都重係好記得佢地。由於我個團從來唔得罪人,所以未有攻城戰出現過。但有一次,因為有團員出口傷人而得罪了另一個團既大行首,果個大行首當然唔肯接受我地既道歉,最後佢地團向我地宣戰,在即日既夜晚8點至10點就要進行一次攻城戰。當時既我從來未打過攻城戰,覺得有點害怕又好奇。當然好奇是第一次進行攻城戰,而害怕就是怕攻城戰失敗,商團從此消失。到左大約7點半既時候,我既目的地係攸縣。[attach]344009[/attach][attach]344010[/attach][attach]344010[/attach]
[attach]344010[/attach]

作者: 滿天星 時間: 22-8-2009 16:00
本帖最後由滿天星於 22-8-2009 16:16 編輯

（一）從雲霄中墜入深淵　二
　　當我諗住去攻城,先發現自己唔係好識行中國d捷徑,我行左去萬里長城,諗住可以用直線既方式直到攸縣,點知行到萬里長城既最入,先發現萬里長城既城牆格開左我同座城,當時已經係攸縣等緊攻城既團員見到咁既情況,忍唔住笑左我幾句。到最後,攻城戰都係成功左,商團的命運最後都係掌握係我地既手中,但大房好謙虛咁講:「全靠你地既幫助我地團先可以取得勝利,等陣返主城我黎分d錢比你地啦。」雖然攻城得出幾千萬,要分比有份攻城既團員每人可能只得200萬左右,但係果份喜悅係冇野可以代替的。後來,商團過既日子都好平凡,得閒攻下城,係商團傾下計咁就一日,不過係e段咁無聊既時間入面.最令我深刻印象既就係洗城,洗城就係叫一班人係城度不停進入同埋離開村莊,咁樣可以增加城市既出口人口,可以增加城既防護力。當時大房同埋我地無聊果陣,我地就會幫佢洗城,不停出出入入,真係覺得幾有趣。直至一日,大房話佢對巨商已經冇興趣,決定退出,交由大行首等人打理商團。當大房走了後,大房座城好快就比人搶左,而大行首就投左另外一座城,果座城叫青青,當時青青城開個團既大房叫做侯爵2,而大行首就叫做大美人咪咪,佢地兩個真人係情侶,聽說就黎結婚。另外,第一任大房走左之後,我就好似冇左一個大靠山一樣,以後我在商團的日子很難捱。當時有一位與第二任大房真人認識的團員,他的名字叫御龍,我有一次在商團因為一些小小的錯誤,而被他與其他團員不停以口水戰形式攻擊,我當時只是一個中一的學生,當然不能以一敵眾,而他們那刻使用的詞語也太絕了吧,竟然連我母親跟父親也拿出來講,我試過請求他的原諒,不要再針對我,但我道歉了很多次他也不肯原諒我。我見到咁既情況,好自然就會去搵大房同大行首幫我手,但係大房因為要返工,我通常都係過左12點後先會見到佢,而大行首就嘗試幫過我,但當時御龍係一個中三學生,佢既反叛情況大家可想而知,大行首獨自根本無辦法可以說服佢同埋其他團員,而佢又冇理由因為我一個而出到將佢地踢出團e一招,加上御龍同佢真人係識,所以要踢佢就難上加難了。最後我諗得好清楚,為左唔好令大行首難做,我只得帶著傷感跟無奈的心情離開商團。

作者: 滿天星 時間: 22-8-2009 16:01
本帖最後由滿天星於 22-8-2009 16:18 編輯

（二）首次有職位的感覺
　　當我離開了這個傷心地後,我沒有因此而放棄巨商,我開始繼續我巨商的旅程。我當時剛剛轉了國,一心想做任務增加信用度,當時我已經比起當初的金錢差很多倍,所以很多任務物品已經不用自己動手去打。又到了大觀領打雜肉的時候,今次我以金錢去收取的方式去得到雜肉。估唔到,當我諗返起最初大房幫我打雜肉時既情景,又有一個大房出現在,e一次我記得個大房叫咩名,佢叫做冰冰女,當時我重係冇商團既環境,我因為當時未做過任務職位,對大行首同攻城將特別有興趣。所以我就問下佢商團有冇咩職位可以比到我。我求在佢好耐,佢終於話可以比大行首我做,當時我既心情好興奮,因為始終都係我第一次做大行首。但我入左團幾日後,唔知點解當時個團既情況好似唔多樂觀,好快已經有人向我地宣戰,而當時個團就係風林火山。相信風林火山e個名大家對佢都好熟悉,當時反風林人士愈黎愈多,原來連我個大房都係反風林既團之一。當時我地團既主城係金華(我到而家經過金華既時候都重好有回億)當日原本我8點開飯,但我知風林e一戰,一定要死守,因為大家都應該知當時風林入面既團員係果陣既實力可以話係最強,同埋如果當時有玩既玩家,都知道風林攻城冇一次係攻唔爆人地個團。所以我同大房用盡我地既手力去極快速咁守城,但到最後都難逃死伺服器既命運。當伺服器維修完後,我上返線,已經見到風林好多既人打緊我地座城,再加上金華係一座細城,根本冇力去頂到風林咁強勁既攻打,所以我同大房守多1陣個城就爆左。我從來冇覺得自己係失敗者,因為我知風林既實力實在太驚人,再加上金華係細城,失守也不出奇。

作者: 滿天星 時間: 22-8-2009 16:02
本帖最後由滿天星於 22-8-2009 16:19 編輯

（三)在心中狠狠地插了一刀
　　後來,因為我同大房相處既日子耐左,唔知點解慢慢對佢產生好感,之後我就同佢講清楚,佢冇拒絕我,但亦都冇接受到我,不過我同佢傾過一次電話咁大把,果把係女聲黎。後來大房投左第座城,果座城係一座大城黎,叫做東營。而當時我地團重係屬於反風林行列,所以每格幾日,甚至每一日都會向風林宣戰,但風林因幾個團圍攻,都冇失守過,比傳聞話佢地係用守城外掛(我到而家都未知係真定假)最記得就係當團員好努力圍攻緊風林主城築前既時候,我就會係周圍派雞湯(係雞湯而唔係半雞湯,可以而家冇咩人用,你地好小會見到)。有一次記得我係築前派雞湯既時候,風林座城忽然1下子有一下巨響,我望一望原來築前失守,見到成班反風林人士開心到跳起左,e一次係風林第一次爆,亦都係唯一既一次。當風林爆左之後既情況我都冇咩印象啦。有一日到我大房生日,當時我冇收過巨商,只係用左我差唔多成副身家買左件武士服送比佢,本身佢都唔多想收,我係咁擠比佢,佢先好肯接受我既好意。本身我想親住e個機會再試下睇下追唔追到佢,不過佢同之前一樣,都係冇拒絕我又冇接受到我,令我覺得佢有d扮上菜既感覺。最後大房都係話退出巨商,佢係退出既最後一日竟然同我講:「其實我係男黎,前果排係我阿妹玩,但佢已經將個ac比左我都有一段時間。我冇講到比你知,覺得有d內疚,不過你都可以當我係我個妹咁嫁,我冇乜所謂。」我聽完之後都冇講得比佢呃左,因為只係佢阿妹比左個ac佢姐,但係佢叫我當佢係佢個妹,我就覺得好無奈同埋失望。講返轉頭, 當時反風林既情緒已經慢慢停左落黎。

作者: 滿天星 時間: 22-8-2009 16:02
本帖最後由滿天星於 22-8-2009 16:21 編輯

（四）一起走過的日子　一
　　而冰冰女投左東營係因為佢將金華賣左比一個叫我是窮人~既人,當時佢買左金華之後就開左團,團名叫做相戀一刻〞,e個團比我既回億比較深刻,可能係因為時間比較近。當時我大房退出巨商,連ac成個del左當然城都比埋人,從此係巨商留底既任何野,都比佢此舉一次過拎返黎。當冰冰女退出巨商之時,我就入左相戀一刻〞,當時我同我是窮人~都已經算係好朋友,而大行首就係我是窮人~既老公路飛阿。我係相戀一刻e個團既期間,好無聊咁企係漢陽,識左3個女仔,一個叫雪之心,一個叫小芷,一個叫小柔。佢地3個同我都幾好傾嫁,不過有一次因為某種事佢地3個反左面,最後我做左幾日既和事佬先令佢地有返計傾,果幾日真係好難搞。我諗既計仔就係同1個女仔企係一座城出面,當然座城係中國好遠,唔會有人,而我就叫左另外兩個女仔企埋一面企係度聽,要令果兩個女仔知道另外一個女仔心入面係點諗。到最後佢地當然係和好,但亦都唔係如初,我做旁觀者,當然知道佢地因為今次既事係心入面大家都有條刺,只係冇表露出黎。另一方面,其實我同佢地3個其中一個女仔係巨商入面已經互稱為老公老婆,姐係所謂既網戀,但我從來未公開過比人知,今次都唔例外。而當時佢地3個女仔都入左花花世界e個團。差d唔記得,重有一個重
大人物炎帥未講,當時我同果3個女仔係漢陽傾計時,同時認識到炎帥,當時既佢重未有昆人既紀錄,而佢亦知道佢一直都對3個女仔其中一個有好感,而果個女仔就竟然係同我一齊果個女仔。我同炎帥傾過一次電話咁大把,因為炎帥同果個女仔提出玩3線,所以我地3個就一齊傾左電話一次咁大把。

作者: 滿天星 時間: 22-8-2009 16:03
本帖最後由滿天星於 22-8-2009 16:22 編輯

（四）一起走過的日子　二
　　而我同炎帥既關係永遠只係普通既朋友,都唔見佢比錢過我洗。直至有一日,係漢陽見到有人話炎帥係一個昆狗,我當時非常相信炎帥,我當然冇問到佢有冇昆人。,但過左1個星期,差唔多已經有10幾個人話炎帥係一個大昆狗,當我問佢既時候,佢都係照答我冇。不過係我心目中,有冇大家當然知道,不過我同佢都算相識一埸,佢又冇呃過我d乜,我就當冇事發生過。講返轉頭,因為我既要求,果一個女仔入左相戀一刻度陪我。之後我同大房,大行首,果幾個女仔係巨商既生活都過得唔錯,後來到左06年既響o朵戰,我地因為想玩下都參加左,當年既響o朵戰唔知點解同平時既唔同,我最記得有一個環節係玩著衫,係要5個團員一齊進行,當GM講出左一件衫個名,參賽者就要全部人著上果件衫,當然e個環節我地好難會唔輸,因為買衫既錢實在太貴,我就只係得果10件,而GM玩既衫唔知點解出親果d都係貴野黎,所以e埸比賽都係輸左,到最後我地響o朵戰都係得10分而落選,而當時重係好強既古代當然重係拎第一。當我係巨商玩得最快樂果一年,大房同大行首既戀情忽然冷淡了。他們都說不愛對方而分手。當分手了後窮人退出了巨商一段日子,將ac我和跟我互稱老公老婆的那個女仔都去左玩第隻online game,玩左大約1個月,我見到已經冇乜點玩,返左去巨商,但我重好沉迷果隻game,所以我冇去巨商度搵佢3日。3日後我on左巨商,個女仔竟然同我提出分手,和我做好朋友,我同佢的感情都已經1年久了,想不到現在會跟我分手,最後我也是欣然接受了。跟佢分手了後,我諗住都係時候退出巨商,不過路飛阿同我講:「我有個fd有座城想賣,你有冇興趣頂左佢?用黎開團都唔錯嫁,你識咁多大房,我諗你唔會比人打。」當時我考慮左一樣,諗過我都可以有作為,但我未夠錢買城住,咁我就投左幾e入座城度諗住做左第2名先比錢佢,但係天公不造美,係e個時候話比我知要用身份證改密碼先可以有ac,雖然我雨滿天星個ac係拎得返,但我當時20萬戰力既大明天係拎唔返,我冇心機繼續玩落去,所以我投到當時既第3名已經退出左巨商。

作者: 滿天星 時間: 22-8-2009 16:04
本帖最後由滿天星於 22-8-2009 16:26 編輯

（五）重返巨商的待遇　一
　　大約一年後。有一日,路飛阿係msn度叫我話:「嗨,好耐無見啦。你而家重有冇玩巨商牙,我有個個朋友有座城想放牙,有冇興趣先?」之後佢出盡佢既口技黎說服我玩返巨商,同佢傾既同時,知道佢之前個ac被盜,佢既錢盡失,但係佢到左而家09年,比起我識佢同窮人果陣重有錢。講返轉頭,而我當時從來未做過行長同大房,亦都好想試下e種滋味,但當時既巨錢大約55蚊一億,對我e個學生仔黎講又真係幾貴下,不過我都盡力草左大約1千蚊,最後我買左座城,果座城就係燕山。當我玩返果陣,我識左個fd係風林的,佢我係未投城前幾日入左去,大約入左幾日後,座城既最高投資者係我果陣,竟然有人投左2e入我座城,當時我好鬼死驚,驚座城一投返黎就冇左,但係風林冇人幫到我,所以我就托路飛阿入左一個團,e個團就係包你有排玩。當我入左去之後,發現d人比起我之前入過既團更加有善,根本冇乜人會玩針對e回事,但我當時投左座城發現好沉悶,所以我都係大約幾日先上一次巨商。後來,到左暑假時間,係我上線最多既時間,當時我諗諗下,覺得我係時候可以試下開團黎玩下,我同包團大房講左之後,就開左我人生第一個團,亦都係我唯一既一個團,果個團就叫做明年今日〞,可能大家會未聽過e個團名,甚至連一眼都未見過,咁係因為我開左大約1個月就解散。

作者: 滿天星 時間: 22-8-2009 16:04
本帖最後由滿天星於 22-8-2009 16:27 編輯

（五）重返巨商的待遇　二
　　我都知大家心入面會問:「下,點解會解散牙,開得好好地?」其實我原先係諗住暑假完在先解,但好不幸既事係我開團後第2個星期發生左。當時我如常一樣企係漢陽收人,後來有一名叫不動風既人入左團,佢一入團就同我講叫我比佢做大行首,我原來都唔係太願意比佢做,因為e個位我只係留比第1個入團既人,但經過佢一輪口水既攻勢,我最後都係屈服左。我比佢做左大行首大約兩日後,我將e個職位轉返比原本果個人,然後不動風就話:「做咩唔比我做大行首?你唔係答應左我比我做嫁咩?」我向佢解釋:「我已經比左你做2日,你做人唔可以得一想二先得嫁喎。」然後佢竟然同我講:「你係咪唔比我先?如果你真係唔比,你後果自負喎。」我聽到之後有d心驚驚,然後就同佢講:「咁我有咩後果要負嫁?」然後佢就話自己有50e,如果我唔比佢做就會第一時間同我搶城。然後我當然唔想有e埸搶城戰爭發生,所以就比佢做大行首。直至一日,佢話返大陸十日,但係個大行首位唔可以比人,佢話如果比佢發現,叫我後果自負。然後佢一返上大陸,我當然將個大行首位交左比第個人。好快就到第9日,我為左唔想再忍受佢,我決定將商團解散,當時有好多團員都叫我唔好解團,果時我真係唔係幾捨得,不過我最後都係一刀切,最後明年今日〞商團解散了。最後佢2日後on左巨商,第一時間密我:「你做咩解左團既?係唔係有咩事發生?」大約係e d之類既問題,我就答佢:「冇牙,我大房叫我解團返去炸ma,係唔係有問題?」然後佢答左一句冇,就以後冇再搵過我。後來我見佢冇咩反應,我都冇咩行動。但諗返只會覺得自己果陣蠢同埋無能,如果我唔係冇錢,就唔會比佢果50e嚇到我,但過去既事就係過左去既事,得個諗字真係冇乜意義。所以我返左包團之後好快就放底左e件事,又過返之前既生活。

作者: 滿天星 時間: 22-8-2009 16:05
（六）老朋友的離開
　　然後我去左升小西行長2轉,但當時已經將西2改廢左一次,但因為我ac係日本人,所以被迫都要升佢先,我用好慢既速度升左佢3,4日終於將佢養育成人,但我轉左佢之後發現對我打怪都冇咩特別既幫助,所以我聽人講,升埋加滕清正2轉,e隻我用既時間比較耐,用左5,6日先將佢轉做2轉,之後我就試下去打怪,點知發現原來唔係我想像中果回事。加2因為冇生死決既幫手,血扣得係特別快,根本唔足夠去打1 d比較勁既怪,而西2,我當時重未識用佢,當時廁所小超人不停同我講,叫我當佢係昌2既火龍車咁車就得,但我果陣只係掌握到小小,根本就唔能夠熟手咁運用,再加上我冇雷公,西2根本發揮唔到佢既長處。但我升兩隻已經冇咩心機,加上投左城後冇咩錢冇轉國升雷公。暑假好快就完左,我都係得閒上下傾下計咁過日子。聖誕節放假後到我學校考試,成績都係唔係咁理想,不過就係我解放既時候,我當時草左d錢,又買左巨錢,當時我係用左黎買入藉同埋孫子兵法。去到新年,果年無啦啦有雙經,然後我見咁,就轉國升左雷公。然後係新年期間,冪冪愛居谷將,叫我去幫手,我果次初到貴境,同冪冪愛居既人傾計,發現到原來冪冪愛居既人幾有善,同我幾岩傾,所以我谷將比其他人耐,留多左幾日。但係因為天龍八部既出現,我認識80%既人都轉左去玩天龍八部,我都試過玩天龍八部,但我玩到20lv就已經冇興趣,最後都係返左巨商,但同我班fd就咁就分格左一段距離,加上我唔係全部有佢地msn,所以我得幾個可以搵到。後來暑假, 話就話係包你有排玩e個團1年,但我實在上線既時間得果幾個月。加上包你有排玩既人大部份都退出左,我重好深刻記得已經退出左既人,一個係廁所小超人,一個係柳子(全名太難寫了,我一向咁叫佢。)佢地一個係攻城將,一個係大行首,聽說入左團都好幾年,可以算係係長老黎。

作者: 滿天星 時間: 22-8-2009 16:05
（七）色字頭上一把刀
　　後來因為個團冇乜生氣,我向包你有排玩大房申請左去冪冪愛居玩一排,然後我就由6月入左去冪冪愛居,我本身諗住入去大約1,2個星期,怎估到我竟然不捨得離開,留了一個月有多。後來,冪冪愛居入面有一位團員叫做__天__,佢因為誤信別人同埋被色誘所以以極唔抵既代價以特攻服+燕尾服去換取在一件婚沙,事後Mankind竟然話佢件野借左比個朋友,而佢朋友玩失蹤,所以件野就咁就比佢朋友拎左。但大家所聽既,明顯係一些好常見既呃人手法,唔通次次問人借完野,將果樣野借比第2個人,個責任就會唔係自己身上啦咩?由於當時Mankind以女仔既身份要求天哥以特攻服+燕尾服去換取佢既婚沙,而天哥係女仔面前又唔可以失威,再加上Mankind係有計劃地向天哥進行e次既交易,所以天哥中招,都係情有可原。當我地團既團員知道左之後,不停為天哥向e個Mankind作出投訴,不停將佢既衰野貼上樂古,希望唔會有更多人受騙。但因為天哥對Mankind既信任,同佢交易既時候根本唔會影相留底證據,所以我地投訴佢既時候,人人都會話:「你地都冇證據,有咩可以證明到好似你地所講,天哥佢真係借左兩件野比人?要告人就要有證有據,如果唔係比人話你屈佢,到時蝕底既,點都係自己炸。」當我地聽到e一番說話,當然會感到非常之失望,可以話係絕望!覺得世界根本沒有天理,沒有王法。

作者: 滿天星 時間: 22-8-2009 16:05
（八）不擇手段
　　但係,到最後Mankind竟然良心發現,以密語既形式向天哥承認佢之前既一切罪證,但係佢始於係唔肯將特攻服同燕尾服交還天哥,然後我地當然將Mankind承認自己有呃人既密語內容公諸於世,令所有巨商既玩家認同我地既講法,我地根本冇屈佢!但係點知,Mankind同埋佢個朋友青峰zyu(如果有串錯唔好怪我,因為事格一年,唔記得都可以話係人之常情)竟然夠敢話我地貼出黎既密語內容係假既,佢竟然夠敢話我地改圖,而且重以一些無理既理由想去掩飾自己既罪行,佢地話:「你地有咩證據證明你地冇改圖先?下,你拎唔到證據出黎你地就係改圖,我地之前根本就冇認過我地有呃人,如果你冇證據就係改圖呃人,罪加一等!」本身佢承認左之後我地只係想佢拎返燕尾服同埋特攻服出黎,天哥就會拎返件婚沙同佢交換返,大家當乜野都冇發生過,點知佢竟然又再話我地屈佢,唔通佢係比惡魔吞噬左之前既良心?不過e樣野都唔係最重要…最重要既係佢地唔夠我地講,竟然拎人地阿媽同阿爸黎講,叫我地發誓話我地冇改過圖,如果改過既就死阿爸死阿媽。後來佢又用佢青峰zyu 這個帳號入黎我地團,扮作無意中問我地會用咩野改圖,而我地當然用好熱切既服務去為佢服務,我地係對話中當然會提及到一些專用改圖既程式,例如小畫家,photoshop同埋photoimpact等等,而青峰zyu竟然將我地既對話以冇頭有尾既形式影左落黎,而將頭頭問問題既部份對話隱藏,令到大家睇起上黎我地好似有曾經用過e幾種專用既改圖程式,但係d圖既證據根本就唔足夠,只係提及過我地講過e幾種改圖程序而且,最後佢地雖然係一個post入面同我地發生罵戰,但佢地既內容因為包含太多粗口,所以被禁言3日,而我地冪冪愛居既人一個都冇事,到這一刻才發現原來有天理同埋王法。但件事未有因此而平息,最後都係要由冪冪愛居既大行首出面平息事件,事件才告一段落。

作者: 滿天星 時間: 22-8-2009 16:06
（九）塞翁失馬　一
　　後來在這一個月間包你有排玩也谷過將,我返過去2日後又走返去冪冪愛居,發現果陣自己真係不能自拔。當我升lv果陣撞到包團既團員佢地都會不停追問我:「你幾時返黎牙,我地成團都好掛住你嫁。你快d返黎啦!」當時我心想開分身入團,但諗諗下,如果開分身入包團,咁咪姐係變左好似去冪冪愛居唔返去,但如果開分身入冪冪愛居,又唔收我,所以我最後同大房傾過。佢講左一d好轉彎既野令我返去:「你鐘意返黎就返啦,我地對大門永遠為你打開嫁。」聽到e句話令我感到好愧疚。最後我諗清楚,決定聽日就返包團。點知又發生左d事,唔知係我同冪冪愛居有緣定係同包你有排玩冇緣,當我走果一日,有一個名叫狙龍狂魔既團員係團頻度人身攻擊另一個團員小白木,小白木因為受唔住e種攻擊,堅決離團。後來小白木既朋友,__天__,緋夢湘知道e件事之後就幫小白木出返啖氣,而係商團頻道入面不停攻擊狙龍狂魔,後來此事風波又移到樂古論壇,最後狙龍狂魔決定退出巨商,事件才告一段落。返左包團,過一陣暑假就完左,因為要返學既原因,我都已經甚小上巨商。而冪冪愛居係msn開左個m群,所以我每次用電腦都只係會上msn,而甚小上巨商。有一次,因為天皇果面個團要谷將,所以我入左去,入到去識左好多新既朋友,例如小小筠,專殺高手,冥界殺手等等。而家佢地間中有幾個都好似已經入左冪冪愛居過住一些好安定既生活。當我谷完將,返左包團又過著一些半退出既生活,我曾經諗過如果新年好似之前咁有雙倍經驗值,我實會親e個機會升返下,點知最後竟然冇,令我失望而回。後來,我無意中係漢陽發現小柔既出現,原來佢岩岩玩返巨商,之後我地就好似之前咁,企係漢陽度傾計,但唯一既一樣野唔同,就係我同佢傾計既時候,四周圍既人同事物已經改變左好多,就例如禮埸,好似係早2年先整出黎,之前係冇的。

作者: 滿天星 時間: 22-8-2009 16:06
（九）塞翁失馬　二
　　後來因為我同小柔識左咁耐都未傾過電話,我地借助*黑暗恐懼*既三線諗住三個一齊傾,點知我地講過兩次,兩次我阿媽都用緊電話。到最後,我竟然都係冇同佢傾過電話。因為撞返佢既關係,所以我差唔多日日都上黎同佢傾計,但有時佢都係唔知幾時先會上線。後來佢上線既時間愈黎愈小,有一日竟然散失左冇再上過。到這一刻我先發現,原來我識左佢咁耐我都冇問過佢拎msn。後來又過左一排,我又無意中發現小芷企左係大約水原既位置。當我密佢問佢認唔認得我既時候,我覺得佢應該多數唔認得,但點知佢竟然認得我,我果然係冇識錯e個朋友。後來我見撞返佢,我又可以得閒上下巨商同佢傾計,係巨商中搜找到我唯一既樂趣。後來因為古柝當既關係,某d人就去左新天地,而包團既人就全部留左係古代,後來因為包團既人入左古代,包團就正式解散,將支旗交還比原來既鬼域。當包團入左古代之後,天下的男人同我就為古代搞左幾個活動,當我地玩緊活動既期間,我已經留意到古代無端端小左兩座城,但我又搵唔到小左邊兩座,因為當時20幾座,實在記唔哂咁多。點知係玩完活動果一日,我想再去開團,惡夢就來臨了。當時古代既城已經有二分之一比人投左,而我果座當然包括在內,而我地團暫時決定左唔保,所以剩返落黎既城,已經冇雙位數。後來因為成年都冇返過冪冪愛居既關係,我向包團高級負責人+高級行政人員天下的男人申請去冪冪愛居玩幾日,而以佢咁好人同咁大方既性格,佢當然一口就答應左我。後來我返到去冪冪愛居,入面既人有好多同上年已經唔同哂,有好多入左去成年既團員走左,而我係入面識既人都減少左好多,但好處係我可以識到好多新既朋友。

作者: 滿天星 時間: 22-8-2009 16:07
本帖最後由滿天星於 22-8-2009 16:27 編輯

題外話：
　　故事講到黎這裡已經接近尾聲，係度我要先多謝咁多位有耐性睇哂我成篇故事既朋友。當我寫e一篇故仔既時候,冇錯,我係回億返5年前既事,而我亦都非常之感謝當時大房對我既大恩大德,,如果你咁岩經過樂古而咁岩又睇到我e篇故仔,希望你可以搵返我,我依然好掛念你的。而過去既事就係過左去既事,就算諗咁多都已經係過去左,所以我都已經冇再望返轉頭,而家親暑假得閒,先作一篇文向大家分享下。但因為暑假後就踏入高中既階段,所以可能已經無辦法抽時間上巨商,繼續落黎既一年,兩年,甚至五年,可能巨商比我既回億已經唔會再多,所以我寫底e篇野落黎,除左同你地分享之外,亦都可以留返我第時就算離開左巨商睇返,實行一次往事只能回味。係e度我想補充一點,我寫e篇野既目的唔係為左拎到任何既獎品同埋得到任何既讚賞,我只係希望分享我係巨商咁多年既故事,但開帖就真係覺得比較奇怪,所以藉住e個機會而參加活動。最後我係度祝福各位樂古同巨商既玩家,事業學業進步,繼續玩巨商落去,第時有咩野回億都寫返篇文比我睇,咁就已經係對我既報答,謝謝。(由於回億較多,有些未能盡寫,如有遺漏,請通知本人修改。本人只會作日後回億使用,多謝合作。)

作者: johnny816 時間: 25-8-2009 12:11
見到06年向朵戰個張野@w@"
好掛住浪漫人間&浪漫帝國>﹏<"

作者: 屈機仔仔 時間: 25-8-2009 12:55
提示: 作者被禁止或刪除內容自動屏蔽

作者: 炎之龍 時間: 25-8-2009 12:57
估唔到雷仔用左咁多頁-.-
掂晒啦你@_@

作者: 真聖二世 時間: 25-8-2009 13:44
搞錯=.="
用咁多頁架你=333=

作者: 皓呀～ 時間: 25-8-2009 14:08
屈機啦@_@
甘多頁@_@
雷仔加油

作者: issac.1234567 時間: 25-8-2009 14:38
咁屈機.....都幾好睇..

作者: 真政雖仁 時間: 25-8-2009 14:45
響朵戰下面有gm果張..
係咪人生交叉點@@?
果時真係好多活動下...
宜家=_=..唉

作者: tom010103 時間: 25-8-2009 15:08
打鹿都會驚...覺唔覺得係某個npc講既野

作者: 愛~痕 時間: 25-8-2009 15:21
硬膠雷-V-

作者: stephen3500 時間: 25-8-2009 15:48
金華是我當年賣給冰冰女的.-_-

作者: 阿給 時間: 25-8-2009 16:59
我記得當時風林有個人既名係某種內衣定安全x黎=.=都幾勁下
你講個位柳子應該係"柳生飄絮子"?
仲有, 我第一次見到廁所小超人, 笑左出來(因為佢個名)
我覺得依家巨商已經無所謂既勁人, 根本就係鬥錢而唔係實力
以前組隊打怪/pk切磋都叫做有d互動, 改左咁多次版, 呢d野經已變得非常無謂
舊時d勁人經常係pk場玩, 畢竟當年玩pk要鬥智鬥力, 有實力自不然想晒一晒
依家只要有錢買神裝超神合怪, 入到pk場個個係高手囧

新版攻城都唔夠舊版好玩, 舊版打人座城打到車胎都飛埋出黎, 好鬼gag=]
新版變左身行隻龜咁==, 行路慢到...

另外我覺得網戀超兒戲...囧我試過, 隨時可以分手又隨時可以復合
家陣都無女仔玩巨商, 就算有都係d老餅/.\ ac名勁女仔/普普通通都極有可能係人妖

作者: 真政雖仁 時間: 25-8-2009 17:05

我記得當時風林有個人既名係某種內衣定安全x黎=.=都幾勁下
你講個位柳子應該係"柳生飄絮子"?
仲有, 我第一次見到廁所小超人, 笑左出來(因為佢個名)
我覺得依家巨商已經無所謂既勁人, 根本就係鬥錢而唔係實力
以前組 ...
阿給發表於 25-8-2009 16:59

以前有一個高手叫谷行條野tim-_-

作者: 滿天星 時間: 25-8-2009 17:12

金華是我當年賣給冰冰女的.-_-
stephen3500 發表於 25-8-2009 15:48

知啦,你幾年前講過啦,sky_4500

作者: siuyu;p 時間: 25-8-2009 17:34
膠雷支持你^___^ 有我上鏡 haha

作者: 真政雖仁 時間: 25-8-2009 17:43
工喜你拎獎 a_a

作者: 滿天星 時間: 25-8-2009 17:50
多謝咁多位支持我會繼續努力嫁啦T^T

作者: 日巨§新手仔 時間: 25-8-2009 18:03
支持雷仔~ 你都玩左咁多年真係令人懷念當年巨商仲係1隻昌打海神升成2個星期仲有你D文章真係好感人丫!!

作者: 滿天星 時間: 25-8-2009 20:07
我終於有我第一篇既精華文章~_~實在太感動。

作者: 真聖二世 時間: 25-8-2009 20:50
囧雷我會把你寫左死亡筆記上的

作者: davidken 時間: 26-8-2009 00:23
唔見你上堂作得咁好-3-真係要將呢篇野話俾中文老師聽先得..哈哈^.^

作者: 滿天星 時間: 26-8-2009 00:37
@_@玩還玩,唔好玩到咁大。

作者: aesopm61966 時間: 26-8-2009 00:39
樓主你咁中意巨商既!! 加油啦[[bao_34]]

作者: 滿天星 時間: 26-8-2009 02:04

打鹿都會驚...覺唔覺得係某個npc講既野
tom010103 發表於 25-8-2009 15:08

^_^係牙作果陣無聊加上去。

作者: 拿破崙~~ 時間: 26-8-2009 08:21
加油@@!!!!

作者: 紅零﹑ 時間: 26-8-2009 08:41
你好似講古佬-.-`

作者: ●黑暗● 時間: 26-8-2009 08:50
路過[[onion_06]]
不錯的人生 aOa"
『色字頭上一把刀』
唔係好耐姐[[onion_12]]
上年炸麻[[onion_21]]

作者: 迷失的靈魂 時間: 26-8-2009 08:53
加油-,-

支持樓主一下先a_a

作者: like291999 時間: 26-8-2009 09:00
精彩..支持!

作者: (jack) 時間: 26-8-2009 09:09
本帖最後由 (jack) 於 26-8-2009 09:18 編輯

樓主你個貼既#6  令我out番起5年前玩港巨既回億...你5年前你玩商一果陣係咪叫雨滿天星
果陣我加過你入好友  我果陣叫{{jack}}  我諗你都唔記得左架啦...成5年咁耐
#6你提起果個團我都入過...果陣攻城仲係打投石戰...金華個大房係攻城時間叫班團員圍住個金華城唔比人投石..
好可惜果陣既相比我幾年前洗機洗走晒...post上網d圖都睇唔到了...
--------------------
另外你#7果張商團活動圖又令我諗番起以前港巨最難忘既團-----聖潔的國度
大房:<<大人物>> 大行首:焰之無忌攻城將:~華法師~ 彩虹龍 LAZYPIG 女團員:~Renee~  Ada~
比你個貼一提我就記番起以前係細過係商團傾計既開心日子...唔知佢地仲有冇玩呢...
可惜果個團最比人投城投到解左團了...
果陣港巨既商團興起[國度]潮...由神的國度...聖潔的國度開始...就有好多團個名都用XX的國度既名啦...
但好多都唔係同盟關係...
果陣我仲係小6至中1初期..本來都差d唔記得...
真係好多謝樓主你開呢個貼令我記番起呢d回憶!!!

作者: SuPeR〃κ 時間: 26-8-2009 09:36
雷仔/_\成幾個月冇見你我系休伊狗呀-\/-
我轉左ac啦-\/-

作者: lohokuen 時間: 26-8-2009 11:05
整左咁多頁野唔回唔畀面

作者: stanley001 時間: 26-8-2009 11:11
公喜膠雷拎到第1@@

作者: 9897 時間: 26-8-2009 11:57
寫得好好牙- - 不過開頭覺得太多字冇睇到之後有d先睇嘻嘻

作者: 滿天星 時間: 26-8-2009 12:29

樓主你個貼既#6 令我out番起5年前玩港巨既回億...你5年前你玩商一果陣係咪叫雨滿天星
果陣我加過你入好友我果陣叫{{jack}} 我諗你都唔記得左架啦...成5年咁耐
#6你提起果個團我都入過...果陣攻城仲係打投石 ...
(jack) 發表於 26-8-2009 09:09

@@你咁都認得我?咁如果我唔認得你我就唔係人啦^o^

作者: 真聖二世 時間: 26-8-2009 13:16
點解唔多覺有我份既=3=

作者: 滿天星 時間: 26-8-2009 13:24

點解唔多覺有我份既=3=
真聖二世發表於 26-8-2009 13:16

^_^冪冪太多人啦,點可以寫哂。不過我會記住你的。

作者: 自行乂車 時間: 26-8-2009 14:50
提示: 作者被禁止或刪除內容自動屏蔽

作者: 真聖二世 時間: 26-8-2009 17:07

^_^冪冪太多人啦,點可以寫哂。不過我會記住你的。
滿天星發表於 26-8-2009 13:24

點記先/.\
寫我上死亡筆記到xddd?

作者: prince9831 時間: 26-8-2009 17:24
@@@好感人... 全部都用心睇過曬睇到眼殘殘= = 個條友50e 如果係我比人咁嚇法我會嚇返佢話我有100e lo= =

作者: chung1362 時間: 26-8-2009 21:52
竟然可以玩一個game玩5年咁耐-.-佩服!!!!
不過我想問下...你係game裡面識既"朋友"...冇玩巨商之後都仍然咁fd?-.-

作者: kirst12 時間: 27-8-2009 00:33
膠雷,竟然我個名一次都冇出現,哈哈哈...

作者: 滿天星 時間: 27-8-2009 00:36
-,-"唔通全部講哂咩不過諗諗下應該寫埋你T^T
我補返你個名吧。

作者: kirst12 時間: 27-8-2009 00:38
冇所謂啦,我都冇玩

作者: 曖昧乂恫 時間: 27-8-2009 02:52
好多字==

作者: 滿天星 時間: 28-8-2009 00:28

冇所謂啦,我都冇玩
kirst12 發表於 27-8-2009 00:38

不如你流底你個msn,我識你咁耐都冇加你=﹏=

作者: 滿天星 時間: 31-8-2009 16:36

竟然可以玩一個game玩5年咁耐-.-佩服!!!!
不過我想問下...你係game裡面識既"朋友"...冇玩巨商之後都仍然咁fd?-.-
chung1362 發表於 26-8-2009 21:52

-.-"有msn既咪傾下計,冇既我都冇辦法搵返佢地了。

作者: 真聖二世 時間: 31-8-2009 16:39
我都想要囧雷msn/.\
囧雷dee dee 幾時肯俾我架/3\

作者: 滿天星 時間: 31-8-2009 18:17

我都想要囧雷msn/.\
囧雷dee dee 幾時肯俾我架/3\

真聖二世發表於 31-8-2009 16:39

@v@d戲好差喎。

作者: stephenyip 時間: 31-8-2009 19:27
果然好精彩,,
吾怪得做左第1名..

作者: __天__ 時間: 1-9-2009 23:01
有我個名bo~~~但係衰野黎ge t^t
但都要支持下先得!!!

作者: lohokuen 時間: 2-9-2009 01:33
好好好多字呀睇到想訓

作者: Leaf~A 時間: 2-9-2009 13:06
雖然我係完全5認識樓主同埋我5係商1玩家..
但係睇呢篇文章我感受到你係巨商謙讓同埋大方既生存之道..

作者: 散散=] 時間: 4-9-2009 11:11
63# 滿天星
我記得你..............囧唔知你記唔記得我

作者: 滿天星 時間: 5-9-2009 01:58

63# 滿天星
我記得你..............囧唔知你記唔記得我
散散=] 發表於 4-9-2009 11:11

==商一邊個唔識你牙...你記得我==?

作者: lynxlynx 時間: 8-9-2009 13:45
看完了. 你真係歷盡滄桑喎

作者: 滿天星 時間: 8-9-2009 17:17

看完了. 你真係歷盡滄桑喎
lynxlynx 發表於 8-9-2009 13:45

包包咁耐冇上樂古既
d資料都未更新~_~

作者: stanley001 時間: 8-9-2009 19:07
係bo 我都冇膠雷msn

你比我啦@@

作者: 滿天星 時間: 12-9-2009 19:48
tseheilok@hotmail.com @o@

作者: 滿天星 時間: 19-9-2009 18:47
等我推一推先-v- 唔想佢咁快摺埋

作者: pkpeterpk 時間: 20-9-2009 11:20
不錯不錯...樓主努力

作者: 滿天星 時間: 23-9-2009 17:57

不錯不錯...樓主努力
pkpeterpk 發表於 20-9-2009 11:20

=O=咁求其既,你有冇睇嫁XD

作者: SuPeR〃κ 時間: 23-9-2009 19:10
睇佢語氣好似以為你作緊文甘xd

作者: jackylisiuhang 時間: 24-9-2009 13:16
作得勁好~睇左好耐=]支持支持
不過我玩商3…見唔到你=[

作者: 乂龍.神乂 時間: 24-9-2009 13:37
估唔到膠雷係大人物/.\

作者: stanley001 時間: 24-9-2009 14:02
龍神

唔好睇小膠雷*_*

歡迎光臨樂古Nakuz (http://micrp-dsp.comcncontactwww.nakuz.com/)