你地 溝女有咩話題既?

TｉｎG`

以女性既出發點好認真答你,先唔講溝女要咩話題啦如果真係激嬲左女性朋友,我覺得佢唔會係想你搵d咩話題去撩返佢講野,
而係希望你拎d誠意出黎真心道歉,

例如:
1.整/買d小禮物+寫封信俾佢道歉,
2.低聲下氣/用比較嗲既語氣講"對唔住啊,唔好嬲啦,請你食野啦"
(e.g--朱古力/糖果要準備好一堆係身)
3.當你真係懶去買糖,而佢又真係嬲到完全唔彩你+唔同你講野啦
你可以用紙寫一張紙"甜品'對'換卷"要簽晒名印埋手指印,
仲要畫d公仔同佢講對唔住,再用個信封裝住塞俾佢,

先唔講佢會唔會原諒你,始終都要睇你衰咩,
但甜品起碼可以令個女仔下一下火先,
令佢覺得你有心思同表示到誠意+令佢覺得佢係你心入面咁重要,
但佢一定會知你對佢有意思,之後溝唔溝到就好睇你表現+樣貌+金錢,
但佢心入面一定會加左d表現分俾你,

ps:真心既道歉係最重要


講完道歉講埋同女仔溝通既話題,
上面有d回覆睇到我真係o晒咀,
如果個女仔係你心儀既對象,我相信你未必咁夠薑即刻同人傾電話/wtsapp/sms果d
同埋咁樣好易嚇親個女仔/令佢覺得你想點+好易反感
相信大部分人都會從facebook/msn入手
而話題最好係從佢fb既最新動態開始帶入,等佢知有人留意佢
再深入d既話題真係唔好咁膚淺講埋d咩鐘意食咩啊,有冇男朋友啊,屋企有幾多人啊...
呢d真係好_白痴既問題,
有冇男朋友梗係你自己去留意去慢慢發掘,唔好一開波就咁直接,
之後就可以開始講下自己既感情史,
唔理咩事都講到自己對以前女朋友幾好,但佢又唔識珍惜之類,
要令佢有共嗚既感情問題,例如:出街幫女朋友俾晒錢,大時大節一定送禮+陪佢之類,
等個女仔覺得你係一個好男仔,同埋有同感果陣就會打開心菲+無盡既數臭前度嫁啦:lol

ps:除非條女一開始就對你樣貌上不滿,完全否定會同你有發展,
如果唔係大部分女仔都會同你愈來愈多話題kiss:我咁認真答,呢50點仲唔係我既??