聽得出好認真唱同模仿人地既唱法,但咬字十分造作好唔自然,
正如上面有人講真係笑左出黎,唔聽落去真係會以為你開搞笑post,
雖然我都唔係識唱歌既人,你會覺得我有咩資格話你,
但我用一個聽眾既感覺去表達,
我覺得你首先要練既係音準既問題,
有d位聽得出你想玩震音,但真係震到成個音飄緊好唔穩
同埋係d高音真係聽得好清楚走左音=_=
咬字方面我聽得出你係想唱得有感情,所以先過份左,
呢方面真係無得教,最緊要唱得自然我覺得就唔會太銀耳嫁啦...
最後係d chok位...我覺得唔係每把聲都適合咁chok個喉嚨音出黎,
所以搵個適合又唱得舒服既唱法先,
我覺得做所有事都要循序漸進,樓主聲線其實唔差,
起碼唱到d假音叫做有先天優勢先,
如果真係立志想往呢方便發展要聽多d歌,同由基本練起,
到你有左基本功再去學習更難既唱腔會效果更佳 |